Baku City Residence
Hazırda tikintisini davam edən bu yaşayış kompleksi şirkətin ən mühüm layihələrindən biridir.
Layihə haqqında
Şəhərin səs-küylü hissəsindən kənarda yerləşən, lakin mərkəzə elə də uzaq olmayan "Baku City Residence" yaşayış kompleksi Heydər Əliyev prospektində yerləşir. Kompleksin ərazisində 6 yaşayış binası, avtodayanacaqlar, təhsil, idman, əyləncə və istirahət mərkəzləri salınmışdır. Hər biri 24 mərtəbədən ibarət olan binalardakı mənzil sayı 700-dür. Mənzillərin otaq sayı 2, 3, 4, və 5-dir.
Kompleksin tikintisində istifadə edilən materiallar yüksək keyfiyyət standartlarına tam cavab verəcək şəkildə hazırlanmışdır. Tikintinin hər bir mərhələsi xüsusi keyfiyyət və davamlılıq testindən keçirilib, sertifikatlaşıdırılıb. Binaların pəncərə sistemi alman istehsalı olan xüsusi hermetik şüşələr ilə hazırlanıb. Bu da şüşələrin qırılmazlığı və təhlükəsizliyi baxımından çox vacibdir. Qeyd edək ki, bu materiala malik şüşə sistemi yalnız BCR layihəsinə daxil olan binalardadır. Layihənin fərqləndirici xüsusiyyətlərindən biri də binaların xüsusi izolyasiya ilə üzlənməsidir. Bu izolyasiya ardıcıl olaraq mata, preslənmiş daş yunu, mata, tor (setka), mata, döşəmə, çöl boyası qatlarından ibarətdir. Bundan əlavə, bloklarda istifadə olunan kermaqranit Türkiyə istehsalıdır.
BCR yaşayış kompleksinin tikintisi zamanı keyfiyyətli, dünya standartlarına cavab verən materialların istifadəsi ilə yanaşı layihənin dizaynına, hər bir detalına da xüsusi diqqətlə yanaşmışıq. Binaların dizaynı, quruluşu, kompleksdəki hər bir tikilinin rəng çalarları birlikdə harmoniya təşkil edir və kompleksi vahid şəkildə cəlbedici edir. Zövqünüzü oxşayacaq tərzdə hazırlanmış interyer və eksteryer malik binalar paytaxtamızın memarlıq üslubuna gözəllik qatır.